लग्नसमारंभाला जात असताना कार कालव्यात उलटली, चौघांचा मृत्यू; तीन जखमी

लग्नसमारंभाला जात असताना चालकाचे नियंत्रण सुटल्याने कार कालव्यात पलटी झाली. या अपघातात कारमधील चौघांचा जागीच मृत्यू झाला तर तीन जण जखमी झाले. जखमींना उपचारासाठी सदर रुग्णालयात दाखल करण्यात आले आहे. बिहारमधील सदर पोलीस ठाण्याअंतर्गत प्रसादी इंग्लिश दुन्ना छपराजवळ हा अपघात घडला.

जखमींची प्रकृती आता धोक्याबाहेर असल्याचे डॉक्टरांनी सांगितले. मृतांमध्ये नवरदेवाचे बहिण आणि भावोजीचा समावेश आहे. चौघांचे मृतदेह शवविच्छेदनासाठी रुग्णालयात पाठवण्यात आले. कारमधील कुटुंब लग्नासाठी अरवालहून पाटणाला चालले होते. मात्र वाटेतच काळाने घाला घातला आणि ऐन समारंभाच्या दिवशी कुटुंबावर दुःखाचा डोंगर कोसळला.

कार कालव्यात पडल्यानंतर बचावासाठी आतील लोकांचा आरडाओरडा सुरू होता. यादरम्यान औरंगाबादच्या प्रशासकीय अधिकाऱ्याने अपघातग्रस्त वाहन पाहिले. आतून किंचाळण्याचे आवाज येत असल्याने त्यांनी तात्काळ सदर पोलीस ठाण्याला याची माहिती दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.