शिवसेना आमदार महेश सावंत रुग्णालयात

माहीम विधानसभेतील शिवसेनेचे नवनिर्वाचित आमदार महेश सावंत यांना छातीत दुखू लागल्याने आज वांद्रे येथील लीलावती रुग्णालयात दाखल करण्यात आले. त्यांच्यावर ऑन्जिओप्लास्टी करण्यात आली असून त्यांची प्रकृती स्थिर असल्याचे डॉक्टरांनी सांगितले.

महेश सावंत यांना आज सकाळी छातीत अचानक दुखू लागल्याने तातडीने माहीमच्या हिंदुजा रुग्णालयात दाखल करण्यात आले. तिथे त्यांची ऑन्जिओग्राफी करण्यात आली. त्यांच्या हृदयातील रक्तवाहिनीमध्ये ब्लॉक असल्याचे निदान झाले. त्यानंतर पुढील उपचारासाठी त्यांना सायंकाळी लीलावती रुग्णालयात हलवण्यात आले. तिथे हृदयरोगतज्ञ डॉ. अजित मेनन यांच्या नेतृत्वाखालील तज्ञ डॉक्टरांच्या पथकाने महेश सावंत यांच्यावर ऑन्जिओप्लास्टी केली. महेश सावंत यांची प्रकृती ठीक असून डॉक्टरांनी त्यांना विश्रांतीचा सल्ला दिला आहे. नुकत्याच झालेल्या विधानसभा निवडणुकीत महेश सावंत यांनी माहीम मतदारसंघातील हायव्होल्टेज लढतीत विरोधकांचा धुव्वा उडवून दणदणीत विजय मिळवला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.