‘पुष्पा 2’ ने रिलीजपूर्वीच कमाईचा रचला इतिहास, या 5 चित्रपटांचे मोडले रेकॉर्ड

अल्लू अर्जुन सध्या त्याच्या आगामी ‘पुष्पा 2 द रुल’ या चित्रपटामुळे चर्चेत आहे. अभिनेत्याच्या या चित्रपटाची जोरदार चर्चा असून, येत्या 5 डिसेंबर रोजी चित्रपटगृहात धमाल उडणार आहे.

अल्लू अर्जुनच्या या चित्रपटाला अमेरिकेत चांगला प्रतिसाद मिळत आहे, कारण रिलीजपूर्वीच चित्रपटाने तेथे सुमारे 1.4 मिलियन डॉलर्सची कमाई केली आहे. काही मीडिया रिपोर्ट्समध्ये असाही दावा केला जात आहे की, चित्रपटाने थिएटरमध्ये रिलीज होण्यापूर्वीच शाहरुख खानच्या जवान आणि पठाणसह रामचरण आणि जूनियर एनटीआरच्या आरआरआरला मागे टाकले आहे.

या चित्रपटांना सोडलं मागे

पुष्पा 2 द रुलने रिलीज होण्यापूर्वीच बॉक्स ऑफिसवर धुमाकूळ घातला आहे. कोईमोईच्या रिपोर्टनुसार, या चित्रपटाने शाहरुख खानच्या पठाण ते केजीएफला मागे टाकले आहे. या चित्रपटाने आतापर्यंत मागे टाकलेल्या चित्रपटांचे बॉक्स ऑफिस कलेक्शन जाणून घेऊ…

1. जवान: 55 कोटी
2. पठाण: 55 कोटी
3. केजीएफ 2: 42.50 कोटी रुपये
4. ॲनिमल: 41.50 कोटी
5. बाहुबली 2: 38 कोटी

पुष्पा 2 किती भाषांमध्ये होणार प्रदर्शित?

अल्लू अर्जुन आणि रश्मिका मंदान्ना यांचा ‘पुष्पा द रुल’ हा चित्रपट 5 डिसेंबरला थिएटरमध्ये प्रदर्शित होणार आहे. हा चित्रपट तेलुगू, हिंदी, तामिळ, कन्नड, बंगाली आणि मल्याळम भाषांमध्ये प्रदर्शित होणार आहे. ॲडव्हान्स बुकिंग पाहता हा चित्रपट 2024 सालचा सुपरहिट आणि ब्लॉकबस्टर चित्रपट ठरू शकतो, असा अंदाज वर्तवला जात आहे.