पंतप्रधान नरेंद्र मोदींना जीवे मारण्याची धमकी, मुंबईतील महिलेला अटक

पंतप्रधान नरेंद्र मोदी यांना जीवे मारण्याची धमकी देणारा फोन आल्याने एकच खळबळ उडाली. मुंबई पोलिसांच्या नियंत्रण कक्षाला फोन करून सदर महिलेने मोदींच्या हत्येची योजना आखल्याचा दावा केला. हत्येसाठी हत्यारांची व्यवस्थाही आधीच करण्यात आल्याचे महिलेने सांगितले.

आंबोली पोलिसांनी तात्काळ अ‍ॅक्शन मोडवर येत कॉल ट्रेस करून महिलेला अटक केली आहे. महिलेची चौकशी केल्यानंतर तसेच तिची पार्श्वभूमी तपासल्यानंतर कोणतेही संशयास्पद कनेक्शन आढळले नाही.

सदर महिला कौटुंबिक समस्यांमुळे तणावाखाली होती. या तणावातूनच तिने हे कृत्य केल्याचे प्राथमिक तपासात असे समोर आले आहे. मात्र संभाव्य धोके टाळण्यासाठी मुंबई पोलिसांकडून या प्रकरणाचा तपास सुरूच आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.