शेरनी संसद आ गयी! प्रियांका गांधींच्या शपथविधीवर संजय राऊत यांची प्रतिक्रीया

काँग्रेसच्या नवनिर्वाचित खासदार प्रियांका गांधी यांनी आज लोकसभेत खासदारकीची शपथ घेतली. प्रियांका गांधी यांनी देखील राहुल गांधी यांच्या प्रमाणेच हातात संविधानाचाी प्रत घेऊन शपथ घेतली. प्रियांका गांधी यांच्या शपथविधीनंतर शिवसेना(उद्धव बाळासाहेब ठाकरे) पक्षाचे नेते, खासदार संजय राऊत यांनी ‘शेरनी संसद आ गयी!’ अशा शब्दात आपली प्रतिक्रीया व्यक्त केली आहे.

शेरनी संसद आ गयी! https://t.co/Jd9qQHyF86

— Sanjay Raut (@rautsanjay61) November 28, 2024

केरळमधील वायनाड लोकसभा मतदारसंघात झालेल्या पोटनिवडणूकीत तब्बल चार लाख मतांची आघाडी घेत काँग्रेसच्या प्रियांका गांधी यांनी विजय मिळवला. या विजयानंतर प्रियांका गांधी यांनी आज लोकसभेत खासदारकीची शपथ घेतली.

प्रियंका गांधी यांनी शपथ घेतली त्यावेळी त्यांचे बंधु लोकसभा विरोधी पक्षनेते आणि काँग्रेस नेते, खासदार राहुल गांधी, आई काँग्रेस नेत्या सोनिया गांधी, मुलगा रेहान वाड्रा आणि मुलगी मिराया वाड्रा उपस्थित होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.