नवी मुंबईची अंकिता दहिया ठरली ‘यूएमबी मिस इंडिया-2024′!

यूएमबी ‘मिस इंडिया-2024’ या स्पर्धेत मुंबईची अंकिता दहिया ही अजिंक्य ठरली आहे. अंकिता ही निवृत्त मरिन कमांडो दारासिंग दहिया यांची मुलगी आहे.

ही स्पर्धा दिल्लीमध्ये इंदिरा गांधी स्टेडियमवर दि. 10 नोव्हेंबर रोजी आयोजित करण्यात आली होती. या स्पर्धेमध्ये 65 स्पर्धक सहभागी झाले होते आणि ज्युरी म्हणजे परीक्षकांचे काम माजी मिस वर्ल्ड मनुश्री चिल्लर, सिनेअभिनेता अर्जुन कपूर आणि सिनेअभिनेत्री सारा खान यांनी केले.

अंकिता दहिया हिने सुरुवातीच्या फेऱ्या यशस्वीपणे पार पाडत अंतिम फेरी गाठली. अंतिम फेरीत तिला विचारण्यात आले की, ‘तू मिस इंडिया झालीस, तर हिंदुस्थानची कोणती सांस्कृतिक आणि पारंपरिक गोष्ट जगामध्ये पोहोचवशील?’ तिने स्पष्ट केले की, ‘मी शारीरिक तंदुरुस्तीला अत्यंत महत्त्व देणाऱ्या एका कुटुंबाची सदस्य असून, आपली पारंपरिक योगविद्या सर्व जगामध्ये पोहोचण्यासाठी प्रयत्न करेन.

हिंदुस्थानचा सांस्कृतिक वसा आणि वारसा असलेली पुरातन मंदिरे जागतिक स्तरावर पोहोचावीत, यासाठी मनापासून प्रयत्न करेन.’ अंकिता हिचे या उत्तुंग यशाबद्दल सर्वत्र अभिनंदन आणि स्वागत होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.