सांगली-कोल्हापूर मार्गावर कृष्णा नदीपुलावरून कार कोसळली, तिघांचा मृत्यू; तिघे गंभीर जखमी

सांगली-कोल्हापूर मार्गावर कृष्णा नदीपुलावरून कार नदीपात्रात कोसळून पती-पत्नीसह तिघांचा मृत्यू झाला आहे, तर दोन जण गंभीर जखमी झाले आहेत. सदर कार बुधवारी मध्यरात्री कोल्हापूरहून सांगलीच्या दिशेने जात असताना अंकली येथे कारला अपघात झाला. जखमींना उपचारासाठी सांगली जिल्हा रुग्णालयात दाखल करण्यात आले आहे.

घटनेची माहिती मिळताच स्थानिक नागरिक आणि जयसिंगपूर पोलिसांनी घटनास्थळी धाव घेत मदकार्य सुरू केले. नागरिकांच्या मदतीने पोलिसांनी गाडीतून मृतदेह बाहेर काढले. तसेच जखमींना बाहेर काढून रुग्णालयात दाखल केले. अपघात नेमका कसा घडला याबाबत अद्याप कळू शकले नाही. पोलीस याबाबत तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.