दप्तर ठेवण्यावरून वाद टोकाला गेला, वर्गमित्राकडून दहावीच्या विद्यार्थ्यावर हल्ला

दप्तर ठेवण्याच्या वादातून वर्गमित्राने केलेल्या दहावीचा विद्यार्थी गंभीर जखमी झाल्याची घटना राजस्थानमध्ये उघडकीस आली आहे. जखमी विद्यार्थ्याला तात्काळ रुग्णालयात नेण्यात आले. मुलाच्या मानेला 12 टाके पडले असून त्याची प्रकृती धोक्याबाहेर आहे. दौसा जिल्ह्यातील सिकराई उपविभागातील एका शाळेत ही धक्कादायक घटना घडली.

वर्गात बॅग ठेवण्यावरून दोन विद्यार्थ्यांमध्ये बुधवारी दुपारी भांडण झाले. मात्र शिक्षक आणि इतर विद्यार्थ्यांनी हस्तक्षेप केल्याने वाद तात्पुरता मिटला. त्यानंतर संध्याकाळी शाळा सुटल्यानंतर वाद पुन्हा वाढला आणि आरोपी विद्यार्थ्याने पीडिताच्या मानेवर चाकूने वार केले.

दरम्यान, मुलगा जखमी अवस्थेत गावाबाहेरील नाल्यात आढळून आल्याचे त्याच्या वडिलांनी सांगितले. त्याला तातडीने जवळच्या रुग्णालयात उपचारासाठी दाखल करण्यात आले. याप्रकरणी दौसा पोलिसात नोंद करण्यात आली असून पोलीस अधिक तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.