हिवाळ्यात ‘या’ भाज्या खाणे आरोग्यासाठी फायदेशीर, वजनही नियंत्रणात राहील

डिसेंबर म्हंटल की थंडीचे दिवस सुरू होतात. या दिवसात लोक घराबाहेर जाण टाळतात. त्यामुळे या दिवसात दिनचर्या थोडी कंटाळवाणी होते. थंडीमुळे अनेकदा लोक व्यायाम सोडून देतात. अशा परिस्थितीत आहार निरोगी ठेवण्याची गरज आहे, जेणेकरून वाढते वजन नियंत्रणात ठेवता येईल. थंडीच्या दिवसात बाजारात अनेक भाज्या उपलब्ध असतात ज्या भरपूर प्रमाणात पोषक असतात आणि तुम्हाला निरोगी तसेच तंदुरुस्त ठेवण्यास मदत करतात, कारण या भाज्यांना जास्त मसाले किंवा तेलात शिजवण्याची गरज नसते. तुम्हालाही या हिवाळ्यात निरोगी आणि तंदुरुस्त राहायचे असेल, तर या हिवाळ्याच्या भाज्यांचा आहारात समावेश करा.

गाजर खाणे फायदेशीर-
हिवाळ्यात गाजर मुबलक प्रमाणात उपलब्ध असून ते आरोग्यासाठीही खूप फायदेशीर आहेत. गाजरात व्हिटॅमिन ए असते. जे डोळ्यांसाठी फायदेशीर असते. वजन नियंत्रणात ठेवायचे असेल तर जेवणासोबत सॅलड म्हणून खाऊ शकता.

हिरव्या भाज्या खा
हिवाळ्यात, हिरव्या पालेभाज्या बाजारात मुबलक प्रमाणात उपलब्ध असतात आणि बहुतेक पालेभाज्या अगदी कमी मिरची मसाले आणि कमी तेलाने शिजवल्या जातात. पालक, राजगिरा, मेथीच्या हिरव्या भाज्या, हरभरा हे फक्त खाण्यातच स्वादिष्ट नसून आरोग्यासाठी फायदेशीर असते.या हिरव्या भाज्या तुम्ही बाजरी, ज्वारी, नाचणी इत्यादी धान्यांपासून बनवलेल्या भाकरीसोबत खाऊ शकता.

शलजम –

हिवाळ्यात येणारी सलगम ही देखील एक भाजी आहे जी कमी तेलात आणि कमी मसाल्यात तयार करता येते. याचा समावेश तुम्ही तुमच्या आहारात सहज करू शकता. जरी अनेकांना सलगमची भाजी आवडत नसली तरी त्यात कॅल्शियम, लोह, मॅग्नेशियम, पोटॅशियम यांसारखी खनिजे तसेच व्हिटॅमिन सी, बी6 आणि बी कॉम्प्लेक्सचे काही जीवनसत्त्वे भरपूर प्रमाणात असतात. याशिवाय यामध्ये फायबर आणि प्रथिने देखील आढळतात.

हिरवा मटार

विटामिन सी, ई, झिंक आणि अँटीऑक्सिडंट्स जास्त प्रमाणात हिरव्या मटारामध्ये आढळते. त्यामुळे हिवाळ्याच्या दिवसात मटार जास्त प्रमाणात खाल्ल्यास उपयोग होतो. याशिवाय शरीरातील प्रतिकारशक्ती वाढवून तुम्हाला आजारांपासून दूर ठेवते. यामध्ये विटामिन ए आणि प्रोटीनही अधिक प्रमाणात आढळते, जे हिवाळ्यात आरोग्य चांगले राखण्यास मिळते.

बीटरूट

बीटरूट हे शरीरातील रक्त वाढवण्याचा उत्तम स्रोत असल्याचे म्हटले जाते. एका संशोधनात असे आढळून आले आहे की बीटरूटचा रस प्यायल्याने स्टॅमिना वाढतो. लोहाशिवाय त्यात पोटॅशियम, फॉलिक अॅसिड, फायबर, जीवनसत्त्वे, प्रथिने, कॅल्शियम, व्हिटॅमिन ए आणि सी मुबलक प्रमाणात असते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.