जीपीएसवर अवलंबून राहणे भोवले, भरधाव कार थेट नदीत कोसळली, तिघांचा मृत्यू

टेक्नोलॉजीच्या जिवावर अवलंबून राहणे चांगले, परंतु कधीकधी ते धोक्याचे ठरते. याचा प्रत्यय पुन्हा एकदा आला आहे. जीपीएसच्या जिवावर भरधाव कार चालवणे तीन मित्रांना भोवले आहे. त्यांची कार थेट अर्धवट पुलावर गेली आणि पूल संपल्यानंतर थेट नदीत पडली. या विचित्र अपघातात कारमधील तिघे जण ठार झाले आहेत. ही घटना उत्तर प्रदेशातील खालपूर दातागंज मार्गावर घडली. या कारमधील तरुण बरेलीहून बदायू जिह्यातील दातागंज येथे एका लग्नसोहळ्याला जात होते. एका बांधकाम अर्धवट असलेल्या पुलावर कार गेली आणि पूल संपल्यानंतर थेट रामगंगा नदीत कोसळली. या दुर्घटनेत कारमधील तिन्ही तरुणांचा मृत्यू झाला आहे. कारचा चालक नेव्हिगेशन सिस्टिमचा वापर करत होता, असे पोलिसांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.