गॅस टँकर पलटी, पाच तास चक्का जाम

मुंबई-बंगळुरू बाह्यवळण महामार्गावरील वारजे ओव्हर ब्रिजजवळ एलपीजी गॅस वाहतूक करणारा टँकर पलटी झाल्याची घटना सकाळी साडेदहा वाजता घडली. टँकर रस्त्यात पूर्णपणे आडवा झाला होता. त्यामुळे वाहनांच्या लांबच लांब रांगा लागल्या. तब्बल साडेचार ते पाच तास रस्त्यावर काsंडी झाली होती. अखेर साडेचारच्या सुमारास पाच व्रेनच्या माध्यमातून टँकर सुरक्षित ठिकाणी हलविण्यात आला. त्यानंतर वाहतूक सुरळीत झाली. घटनेचे नेमके कारण समजू शकले नाही.

इण्डेन पंपनीचा एलपीजी गॅस भरलेला टँकर मुंबईहून साताऱयाच्या दिशेने निघालेला होता. साडेदहाच्या सुमारास वारजे ओव्हर ब्रीजजवळील टाटा मोटर्स शोरूमसमोर आल्यानंतर टँकर पलटी झाला. ड्रायव्हर केबिनसह पुढचा भाग थेट समोरील ट्रकवर घुसला. सुदैवाने समोरच्या बाजूने येणारे कोणतेही वाहन त्यावेळी नसल्याने मोठी दुर्घटना टळली. अपघातात कोणी जखमी नाही. मात्र, घटनेनंतर दोन्ही बाजूची वाहतूक ठप्प झाली होती. टँकर आकाराने मोठा असल्याने वाहने ये जा करण्यास अडचणी येत होत्या. या घटनेमुळे परिसरात प्रचंड वाहतूक काsंडी झाली. घटनेची माहिती मिळताच वाहतूक पोलीस, अग्निशमन दलाने घटनास्थळी धाव घेतली. मात्र, टँकर भरलेला असल्याने तो हटविण्यासाठी मर्यादा येत होत्या. या दरम्यान वाहनधारकांना पर्यायी मार्गावरून वळविण्यात आले. मात्र, वाहनधारकांना प्रचंड वाहतूककाsंडीचा सामना करावा लागला. महामार्गावर चार ते पाच किलोमीटरच्या रांगा लागल्या होत्या. मुख्य मार्ग जाम झाल्याने सेवा रस्त्यांवर देखील वाहनांची वर्दळ वाढून काsंडी झाली होती. अखेर साडेचारच्या सुमारास पाच व्रेन आणून संबंधित टँकर सुरक्षित ठिकाणी हलविण्यात आला. त्यानंतर काही वेळाने वाहतूक सुरळीत झाली.