सलमान थेट दहाव्या नंबरवर, तर शाहरूखलाही मागे टाकलं; ‘हा’ अभिनेता ठरला भारतीयांची पहिली पसंती, पाहून विश्वास बसणार नाही

ऑर्मॅक्स मीडिया दर महिन्याला देशभरातील टॉप 10 लोकप्रिय अभिनेते-अभिनेत्रींची यादी जाहीर करते. तर त्याप्रमाणे यादी जाहीर झाली असून या यादीमध्ये कोणते कलाकार भारताची पसंती ठरले आहेत आणि कोणत्या स्थानावर आहेत हेही या यादीमध्ये सांगितलेले आहे.

यादीनुसार भारतीयांची पहिली पसंती हा ना शाहरूख आहे ना सलमान खान, भारतीयांची पहिली पसंती ठरला आहे दक्षिणेचा सुपरस्टार.

दक्षिणेचा सुपरस्टार प्रभास भारताची पहिली पसंती ठरला आहे. त्याचे नाव यादीत पहिल्या क्रमांकावर आहे. प्रभास नुकताच कल्की 2898 AD मध्ये दिसला होता.

तर या यादीत दुसरे नाव आहे दक्षिणेच्या अजून एका अभिनेत्याचे म्हणजे थलपति विजय. तो नुकताच 'द ग्रेटेस्ट ऑफ ऑल टाईम्स' या चित्रपटात दिसला होता.

या यादीत शाहरुख खान तिसऱ्या क्रमांकावर आहे.

ज्युनियर एनटीआर या यादीत चौथ्या स्थानावर आहे. ज्युनियर एनटीआर सध्या 'वॉर 2' च्या शूटिंगमध्ये व्यस्त आहे.

अजित कुमार या यादीत पाचव्या क्रमांकावर आहेत. तामिळ चित्रपटसृष्टीतील तो एक प्रसिद्ध चेहरा आहे. रिपोर्टनुसार त्याचे दोन चित्रपट 2025 मध्ये प्रदर्शित होऊ शकतात.

अल्लू अर्जुन हा तेलगू चित्रपटसृष्टीतील प्रसिद्ध चेहरा आहे. 'पुष्पा 2' मुळे तो चांगलाच चर्चेत आहे. नुकताच या चित्रपटाचा ट्रेलरही रिलीज झाला असून ट्रेलरला प्रचंड पसंती मिळत आहे.

तर या यादीत 7व्या आणि ८व्या क्रमांकावर महेश बाबू आणि सूर्या आहेत

या यादीत राम चरणचे नाव 9व्या स्थानावर आहे

तर सगळ्यात आश्चर्याची गोष्ट म्हणजे या यादीत सर्वात शेवटच्या म्हणजेच 10 व्या क्रमांकावर सलमान खानचे नाव आहे.