राज्यातून बाहेर जाणारे व्यवसाय चिंतेचा विषय, पुढील पाच वर्षात मी याकडे लक्ष देईन – रोहित पाटील

राज्याचे विधानसभा निवडणुकीचे निकाल जाहीर झाले आहेत. यातच माजी उपमुख्यमंत्री आर.आर पाटील यांचे चिरंजीव आणि राष्ट्रवादी काँग्रेस शरदचंद्र पवार पक्षाचे उमेदवार रोहित पाटील तासगाव कवठेमहांकाळ मतदारसंघातून विजयी झाले आहेत. त्यांनी अजित पवार गटाच्या संजयकाका पाटील यांचा प्रभाव केला आहे. रोहित पाटील यांनी 128403 मते मिळवून विजयाची नोंद केली. दरम्यान, आज विजयानंतर माध्यमांशी संवाद साधताना रोहित पाटील म्हणाले आहेत की, ”राज्यातून बाहेर जाणारे व्यवसाय चिंतेचा विषय, पुढील पाच वर्षात मी याकडे लक्ष देईन.”

रोहित पाटील म्हणाले की, ”आठ- नऊ वर्ष जे कष्ट केलं, त्याचं फळ माझ्या मतदारसंघातील लोकांनी दिलं आहे. मला आनंद आहे की, जे काम मला अनौपचारिक पद्धतीने करायला मिळत होतं, ते आता औपचारिक पद्धतीने करायला मिळेल.”

पाटील म्हणाले, ‘येथे चांगल्या कंपन्या आणणं हे आमचं उद्दिष्ट असणार आहे. राज्यात रोजगाराचा घटता दर आणि राज्यातून बाहेर जाणारे व्यवसाय – उद्योग चिंतेचा विषय आहे. याकडेच जाणीवपूर्वक लक्ष देण्याची माझी पुढील पाच वर्षांची भूमिका असणार आहे.”

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.