अजय चौधरी यांची हॅट्रिक, शिवडीतून दणदणीत विजय

शिवडी विधानसभा मतदारसंघातून शिवसेना (उद्धव बाळासाहेब ठाकरे) पक्षाचे उमेदवार अजय चौधरी विजयी झाले आहेत. त्यांनी 7140 एवढ्या मताधिक्क्याने विजय मिळवला आहे. या मतदारसंघातून अजय चौधरी यांनी सलग तिसऱ्यांदा विजय मिळवला आहे. त्यांना विजय घोषित केल्यानंतर शिवडीत शिवसेना (उद्धव बाळासाहेब ठाकरे) पक्षाच्या कार्यकर्त्यांनी एकच जल्लोष केला.

अजय चौधरी यांनी मनसेचे बाळा नांदगावकर यांचा पराभव केला. अजय चौधरी यांना 74890 मते पडली. तर बाळा नांदगावकर यांना 67750 मते मिळाली. तर तिसऱ्या क्रमांकांची सर्वाधिक मते अपक्ष उमेदवार संजय आंबोळे यांना मिळाली. त्यांना 5925 मते मिळाली.

शिवडी विधानसभा मतदारसंघातून विजय मिळवल्यानंतर पहिली प्रतिक्रिया देताना अजय चौधरी म्हणाले की, ”आपली शिवडी विधानसभा म्हणजे निष्ठावंतांची शिवडी.. काळाने आपली परीक्षा घेतली पण काळापुढे आपली निष्ठाच जिंकली. आजचा हा सलग तिसरा विजय तुमच्याशिवाय शक्यच नव्हता. एक सकारात्मक ऊर्जा आणि निष्ठावंत शिवसैनिकांचं मजबूत संघटन भक्कमपणे उभं राहिलं, म्हणून सलग तिसऱ्यांदा आपल्या विधानसभेत निष्ठेचा विजय झाला. तुम्ही पुन्हा एकदा सिद्ध केलंय… होय, ही निष्ठावंत शिवसैनिकांची शिवडी.”

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.