EVM हटाव लोकशाही बचाव! भाजपने लोकशाहीचा खून केला, बच्चू कडू यांचा हल्लाबोल

महाराष्ट्र विधानसभा निवडणुकीची मतमोजणी सुरू असून महायुतीने 200 हून अधिक जागांवर आघाडी घेतली आहे. यंदाच्या निवडणुकीमध्ये अनेक अनाकलनीय निकाल लागले. काँग्रेसचे बाळासाहेब थोरात, पृथ्वीराज चव्हाण यासारख्या दिग्गजांना पराभवाचा सामना करावा लागला. तर विदर्भात अपक्ष उमेदवार बच्चू कडू यांनाही पराभव स्वीकारावा लागला. भाजपच्या प्रवीण तायडे यांनी त्यांना 12,131 मतांनी पराभूत केले.

पराभवानंतर बच्चू कडू यांनी एक ट्विट करत भाजपवर हल्ला चढवला. भाजपने लोकशाहीचा खून केल्याची टीका बच्चू कडू यांनी केली. तसेच संविधान दिनाच्या (26 नोव्हेंबर) दिवशी लॉन्गमार्च काढण्याची घोषणा केली आहे.

भाजपने लोकशाहीचा केलेला खून आम्हाला अमान्य आहे. लोकशाही वाचवण्यासाठी सर्वांनी एकत्र या! असे म्हणत अमरावतीतील चांदुरबाजार ते कलेक्टर ऑफिसपर्यंत लॉन्गमार्च काढण्याची घोषणा केली. यात सर्वांनी सहभागी व्हावे असे आवाहनही त्यांन केले.

*EVM हटाव लोकशाही बचाव*

संविधान दिन
मंगळवार, दि.२६ नोव्हेंबर २०२४ रोजी, दुपारी १२ वाजता
चांदुरबाजार ते कलेक्टर ॲाफीस, अमरावती

भाजपाने लोकशाहीचा केलेला खुन आम्हाला अमान्य आहे. लोकशाही वाचवण्यासाठी सर्वांनी एकत्र या ! बच्चुभाऊ कडु यांच्या नेतृत्वात लॉंगमार्च आयोजित करण्यात आला… pic.twitter.com/lXgriUE71j

— BACCHU KADU (@RealBacchuKadu) November 23, 2024

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.