‘पुष्पा 2’ चित्रपट वादाच्या भोवऱ्यात, हिंदू भावना दुखावल्याचा आरोप; हरियाणात तक्रार दाखल

साऊथचा सुपरस्टार अल्लू अर्जुनचा अपकमिंग चित्रपट ‘पुष्पा 2: द रूल’ वादाच्या भोवऱ्यात अडकला आहे. प्रदर्शित होण्याआधीच चित्रपट बॅन करण्याची मागणी होत आहे. चित्रपटातील एका दृश्यावर आक्षेप घेत हरियाणात तक्रार दाखल करण्यात आली आहे.

हरियाणातील हिसारच्या एका गावात चित्रपटाविरोधात तक्रार दाखल केली आहे. चित्रपटात हिंदूंच्या भावना दुखावल्याचा आरोप करत कुलदीप कुमार नामक व्यक्तीने ही तक्रार दाखल केली आहे.

‘पुष्पा 2: द रूल’च्या ट्रेलरमध्ये अल्लू अर्जुन अर्धनारीश्वरच्या भूमिकेत दाखवण्यात आला आहे. यात काली माताचा फोटोही दिसत आहे. तक्रारदाराच्या मते या दृश्यामुळे धार्मिक भावना दुखावल्या जात आहेत. तक्रारदाराने माँ काली आणि अल्लू अर्जुनचा अर्धनारीश्वरचा सीन चित्रपटातून काढून टाकण्याची मागणी केली आहे. तसे न केल्यास हरियाणात हा चित्रपट प्रदर्शित होऊ देणार नाही, असे तक्रारीत म्हटले आहे. पोलिसांनी अद्याप गुन्हा दाखल केला नाही. यासंदर्भात वरिष्ठ अधिकाऱ्यांशी चर्चा करू, असे पोलिसांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.