ग्रँट रोड येथे इमारतीला आग, सुदैवाने जीवितहानी टळली

ग्रॅण्ट रोड येथील बळीराम मार्गावरील जॉयती या 40 मजली इमारतीच्या 36 व्या मजल्यावर दुपारच्या सुमारास आग लागल्याची घटना घडली. आगीची माहिती मिळताच तातडीने घटनास्थळी दाखल झालेल्या अग्निशमन दलाच्या जवानांनी आगीवर तातडीने नियंत्रण मिळवले. त्यामुळे या दुर्घटनेत कोणतीही जीवितहानी झाली नसली तरी धुरामुळे रहिवाशांचा काही वेळ त्रास झाला. तसेच अचानक लागलेल्या आगीमुळे रहिवाशांमध्ये घबराटही उडाली.

ग्रॅण्ट रोड येथील बळीराम मार्गावरील जॉयती ही 40 मजली टोलेजंगी इमारतीत 36 क्या मजल्यावरील एका फ्लॅटमध्ये 3.44 वाजता आग लागली. आग लागल्याची माहिती मिळताच अग्निशमन दलाच्या जवानांनी  तेथे तत्काळ धाव घेत आगीवर नियंत्रण मिळवण्याचे काम सुरू करण्यात आले. पाण्याचा मारा करीत दलाच्या जवानांनी काही वेळातच आगीवर नियंत्रण मिळवले. 4.45 वाजता आग पूर्णतः विझल्याचे जाहीर करण्यात आले. या आगीचा धूर इमारतीत वरच्या मजल्यांपर्यंत पसरला होता. त्यामुळे रहिवाशांमध्ये घबराट उडाली होती. मात्र केळेत आगीकर नियंत्रण आल्याने मोठा धोका टळला. आगीचे नेमके कारण समजू शकले नसून अधिक तपास अग्निशमन दलाकडून सुरू असल्याची माहिती पालिकेच्या आपत्कालीन विभागाकडून देण्यात आली.