शिक्षकी पेशाला काळीमा फासणारी घटना अमेरिकेत उघडकीस आली आहे. विद्यार्थ्यासोबत अनैतिक संबंध ठेवल्याप्रकरणी मेरीलँड येथील एका माजी शिक्षिकेला न्यायालयाने 30 वर्षांची शिक्षा सुनावली आहे. मेलिसा कर्टिस असे शिक्षा सुनावण्यात आलेल्या शिक्षिकेचे नाव आहे. मेलिसावर अल्पवयीन विद्यार्थ्याच्या लैंगिक शोषणाचा आरोप होता.
फॉक्स 5 डीसी अहवालानुसार, लैंगिक शोषण प्रकरणातील तीन गुन्ह्यांसाठी मेलिसा कर्टिसला 30 वर्षे तुरुंगवास भोगावा लागणार आहे. याशिवाय 12 महिन्यांची शिक्षा निलंबित केली जाईल आणि पाच वर्षांची नजरकैदेची शिक्षा होईल.
तुरंगातून सुटका झाल्यानंतर, कर्टिसला 25 वर्षांसाठी लैंगिक गुन्हेगार म्हणून नोंदणी करावी लागेल. तसेच स्वतःच्या मुलांशिवाय इतर कोणत्याही अल्पवयीन मुलांसोबत मेलिसाला संपर्क ठेवण्याची परवानगी मिळणार नाही. आरोपी शिक्षिकेने 7 नोव्हेंबर 2023 रोजी पोलिसांकडे आत्मसमर्पण केले होते.
कर्टिसने आठव्या इयत्तेत शिकणाऱ्या विद्यार्थ्याला दारू दिली आणि त्याच्यासोबत कधी कारमध्ये तर कधी मॉन्टगोमेरी काउंटीमधील वेगवेगळ्या घरांमध्ये 20 पेक्षा जास्त वेळा सेक्स केला. कर्टिस सुमारे दोन वर्षे शिक्षिका म्हणून लेकलँड्स पार्क मिडल स्कूलमध्ये काम करत होती. शाळेनंतरच्या कार्यक्रमात ते एकटे असताना शिक्षिकेने विद्यार्थ्यासोबत लैंगिक संबंध ठेवत होती.
.jpeg)
.jpeg)
Comment List