हेअर ड्रायरचा स्फोट, शहीद जवानाच्या पत्नीने हात गमावले

कर्नाटकच्या बागलकोट परिसरातून एक धक्कादायक घटना समोर आली आहे. माजी सैनिकाची पप्नीला केसांना सुकविण्यासाठी हेअर ड्रायर वापरणे चांगलेच महागात पडले आहे. या हेअरड्रायरचा अचानक स्फोट होऊन महिलेचे दोन्ही हात कापण्याची वेळ आली. पोलीस सध्या या प्रकरणाचा तपास करत आहेत.

बसम्मा यारानल असे त्या महिलेचे नाव आहे. काही दिवसांपूर्वीच तिने हा हेअर ड्रायर नवीन घेतला होता. तो एका खासगी कुरिअन कंपनीकडून डिलिव्हर करण्यात आला होता. त्या कंपनीच्या पार्सलवर शशिकला नाव आणि नंबर लिहीला होता. ज्यावेळी कुरिअर कंपनीने त्यांच्याशी संपर्क साधला त्यावेळी शशिकला शहराच्या बाहेर होती. अशावेळी शशिकलाने बसम्मा हिला सांगितले होते की, पार्सल घे आणि ते खोलून तपासून बघ. महिलेला रुग्णालयात दाखल करण्यात आली आहे.

ही घटना समोर आल्यानंतर पोलिसांनी या घटनेचा तपास सुरु केला आहे, आतापर्यंतच्या तपासात हेअर ड्रायर विशाखापट्टणममध्ये बनवला होता आणि बागलकोटहून पाठवले होते. पोलीस या प्रकरणाची वेगवेगळ्या अॅंगलने चौकशी करत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.