ही सगळी भ्रष्ट्र आणि दहशतवादी राजवट खतम करून टाक, उद्धव ठाकरे यांचे तुळजाभवानीला साकडे

महाराष्ट्रात बुधवारी विधानसभा निवडणूकीचे मतदान पार पडणार आहे. त्या पार्श्वभूमीवर शिवसेना (उद्धव बाळासाहेब ठाकरे) पक्षाचे पक्षप्रमुख उद्धव ठाकरे यांनी महाराष्ट्राची कुलदैवत आई तुळजाभवानीचे दर्शन घेतले. यावेळी त्यांच्या पत्नी सौ. रश्मी ठाकरे देखील त्यांच्या सोबत होत्या.

उद्धव ठाकरे यांनी तुळजाभवानीचे दर्शन घेतल्यानंतर प्रसारमाध्यमांनी त्यांना विनोद तावडे यांच्या पैसे वाटपाबाबत विचारले. त्यावर प्रतिक्रीया देताना उद्धव ठाकरे यांनी ”ही सगळी भ्रष्ट्र आणि दहशतवादी राजवट खतम करून टाक असे साकडे मी आज आई तुळजाभवानीला घातले आहे”, असे उद्धव ठाकरे यांनी प्रसारमाध्यमांना सांगितले.

विधानसभेच्या सार्वत्रिक निवडणुकीसाठी सुरू असलेल्या जाहीर प्रचाराची सोमवारी सांगता झाली असून महाराष्ट्रातील 288 मतदारसंघात मतदानाची पूर्वतयारी सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.