भाजपचा खेळ खल्लास! विनोद तावडेंच्या पैसे वाटपावरून संजय राऊत यांचा निशाणा

भारतीय जनता पक्षाचे सरचिटणीस विनोद तावडे यांनी विरारमध्ये पैसे वाटल्याचा आरोप बहुजन विकास आघाडीने केला आहे. या घटनेचा व्हिडीओ व्हायरल झाला आहे. तसेच बहुजन विकास आघाडीने जो पर्यंत विनोद तावडेंवर कारवाई होत नाही तोपर्यंत त्यांना सोडणार नाही अशी भूमिका घेतली आहे.

भाजपचा खेळ खल्लास!
जे काम निवडणूक आयोगानेच करायला हवे होते ते काम ठाकुरानी केले!
निवडणूक आयोग आमच्या बॅगा तपासतो आणि इकडे शेपूट घालतो! pic.twitter.com/BcGKRVSOkj

— Sanjay Raut (@rautsanjay61) November 19, 2024

या घटनेवरून शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी ट्विट करत भाजप व निवडणूक आयोगावर टीका केली आहे. ”भाजपचा खेळ खल्लास! जे काम निवडणूक आयोगानेच करायला हवे होते ते काम ठाकुरांनी केले. निवडणूक आयोग आमच्या बॅगा तपासतो आणि इकडे शेपूट घालतो”, अशी टीका संजय राऊत यांनी केली आहे.

View this post on Instagram

A post shared by Saamana (@saamana_online)

व्हायरल व्हिडीओत विरार पूर्वच्या विवांत हॉटेलमध्ये बविआ-भाजप कार्यकर्त्यांमध्ये जोरदार राडा झाल्याचे दिसत असून बविआच्या कार्यकर्त्यांनी विनोद तावडे यांना घेरल्याचे दिसत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.