लोकसभा निवडणुकीत दारुण पराभव झाल्यानंतर भाजपला आणि एकनाथ शिंदे यांना अचानक राज्यातील लाडक्या बहिणींची कशी काय आठवण झाली? सरकार म्हणून पाच वर्षे कुठे होतात? फोडाफोडीसाठी गुवाहाटीला गेला होतात का? अशा शब्दांत राष्ट्रीय समाज पार्टीचे राष्ट्रीय अध्यक्ष महादेव जानकर यांनी मिंधे आणि भाजपवर हल्ला चढवला. धाराशीव येथे प्रचार सभेत ते बोलत होते. भारतीय जनता पार्टी ही चालू पार्टी आहे. ते कुठल्या माणसात माणूस ठेवत नाहीत. पवार साहेबांनी पक्ष काढला. त्यांच्या घरात भाजपवाल्यांनी फोडाफोडी केली. शिवसेनाप्रमुख बाळासाहेब ठाकरे यांनी पक्ष काढला. त्या शिवसेनेलाही यांनी फोडले, असे जानकर यावेळी म्हणाले. भाजपपासून सावध राहा. जे म्हणतात ना तुम्हाला पाणी दिलं, लाईट दिली, विमा दिला, परंतु ते काय यांच्या खिशातून दिले का? हे पैसे तुमचेच आहेत. तुमच्याच टॅक्समधून हे पैसे कापले जातात, असेही महादेव जानकर यावेळी म्हणाले. मी काय मुख्यमंत्री होणार नाही. मी मुख्यमंत्र्यांच्या रेसमध्येही नाही. मी आयुष्यात कधी मुख्यमंत्री होणार नाही, असेही ते म्हणाले.
.jpeg)
Comment List