जयपूरमध्ये अभिनेत्री वाणी कपूरचा अपघात, पोलिसांच्या गाडीला धडकली

सिनेसृष्टीमधून चाहत्यांसाठी बातमी समोर आली आहे. प्रसिद्ध अभिनेत्री वाणी कपूरचा रविवारी 17 नोव्हेंबर रोजी सकाळी जयपूरमध्ये अपघात झाला. ती तिच्या एका सिनेमाच्या शूटिंगसाठी जयपूरमध्ये गेली होती. परकोटाच्या बापू बाजारात काही सीन शूट होत होते. त्याचवेळी तिची स्कूटर शेजारी उभ्या असलेल्या पोलिसांच्या गाडीला धडकली.

दैनिक भास्करच्या वृत्तानुसार, या सिनेमाचा एक सीन शूट होणार होता ज्यामध्ये वाणी कपूरला स्कूटी शिकायची होती. वाणी कपूर परकोटाच्या बापू बाजारात फिरतानाचे सीन शूट करत होती. दरम्यान वाणीचा स्कूटर शिकत असताना ताबा गेला आणि ती पोलिसांच्या गाडीला धडकली. या घटनेमुळे निर्माते घाबरले आणि संपूर्ण टीम अभिनेत्रीच्या दिशेने धावली. मात्र सुदैवाने वाणीला काहीही झाले नसले ती पूर्णपणे बरी आहे आणि तिला कोणतीही गंभीर दुखापत झालेली नाही. आता हा सीन सोमवारी 18 नोव्हेंबरला शूट होणार असल्याचं सांगण्यात येत आहे.

वाणी कपूर सध्या तिचा आगामी ‘अबीर गुलाल’मुळे चर्चेत आहे.या सिनेमाच्या शुटीग दरम्यान हा अपघात झाला. या सिनेमात तिच्यासोबत पाकिस्तानी अभिनेता फवाद खान दिसणार आहे

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.