महाराष्ट्र विधानसभेच्या निवडणुकीचा प्रचार अंतिम टप्प्यात आला आहे. शिवसेना ( उद्धव बाळासाहेब ठाकरे) नेते, युवासेनाप्रमुख यांचा प्रचारासाठी झंझावात सुरू आहे. त्यांनी शनिवारी गोरेगाव विधानसभा मतदारसंघ आणि जोगेश्वरी विधानसभा मतदारसंघात महाविकास आघाडीच्या उमेदवारांसाठी प्रचारसभा घेतली. यावेळी मुंबईकरांचा आवाज दाबायला निघालेल्या सरकारला घरी बसवल्याशिवाय स्वस्थ बसायचं नाही, अशी गर्जना त्यांनी केली.
याबाबत आदित्य ठाकरे यांनी एक्सवर पोस्ट शेअर केली आहे. त्यात त्यांनी म्हटले आहे की,
विजय मशालीचा,
विजय महाराष्ट्राचा!
आज १६३ गोरेगाव विधानसभा मतदारसंघ महाविकास आघाडीचे अधिकृत उमेदवार समीर देसाई जी आणि १५८ जोगेश्वरी विधानसभा मतदारसंघ महाविकास आघाडीचे अधिकृत उमेदवार अनंत (बाळा) नर यांच्या प्रचारासाठी घेतलेल्या जाहीर सभेस उपस्थित राहिलो.
मुंबईकरांचा आवाज दाबायला निघालेल्या ह्या सरकारला घरी बसवल्याशिवाय स्वस्थ बसायचं नाही!
मुंबई अदानीच्या घशात घालण्यात येत आहे. मुंबईकरांचा आवाज दाबण्याचा सातत्याने प्रयत्न होत आहे. राज्यातील उद्योग गुजरातमध्ये पळवले जात आहे. त्यामुळे महाराष्ट्र आणि मुंबईकरांचा आवाज दाबायला निघालेल्या सरकारला घरी बसवा, असे आवाहन त्यांनी केले.
.jpeg)
.jpeg)
Comment List