हिवाळ्यात प्रदूषणाचा सर्वाधिक धोका का वाढतो? हवेत काय होतात बदल? जाणून घ्या

दिल्ली सध्या प्रचंड प्रदूषणाचा सामना करत आहे. देशातील इतर अनेक शहरांमध्येही प्रदूषणाची स्थिती गंभीर आहे. हिवाळ्याच्या काळात हवेतील प्रदूषणाची पातळी अचानक वाढते, ही एक सामान्य गोष्ट आहे. पण असं का होतं? हे तुम्हाला माहीत आहे का?  हिवाळ्यातच प्रदूषण का वाढते? याचेच उत्तर जाणून घेऊ…

हिवाळ्यात हवा प्रदूषित का होते?

हिवाळ्यात कमी तापमानामुळे हवा थंड होते. थंड हवा उबदार हवेपेक्षा जड असते आणि ती खाली वाहते. त्यामुळे वाऱ्याचा उभ्या गतीचा वेग कमी होऊन प्रदूषित घटक हवेत अडकून राहतात.  याशिवाय हिवाळ्यात हवेत आर्द्रता कमी असते. ओलावा प्रदूषक कणांना एकत्र चिकटून राहण्यास मदत करते आणि त्यांना जमिनीवर पडण्यास मदत करते, परंतु जेव्हा आर्द्रता कमी असते तेव्हा प्रदूषक कण हवेत तरंगत राहतात.

याशिवाय, कधीकधी एक विचित्र परिस्थिती उद्भवते, ज्याला रिव्हर्स वेदर म्हणतात. यामध्ये उंचीनुसार तापमान वाढते, तर साधारणपणे उंचीनुसार तापमान कमी होते. या स्थितीत गरम हवा खाली असलेल्या थंड हवेला दाबते, त्यामुळे प्रदूषित कण हवेत अडकून राहतात. हिवाळ्यात धुके येणं सामान्य आहे. ते प्रदूषक कण शोषून घेतात आणि हवेत मिसळतात, मात्र त्यामुळे प्रदूषणाची पातळी वाढते.