सुशांत सिंह राजपूतची इच्छा अपूरी…., ‘या’ठिकाणी एकटा जाणार होता पण…

Sushant Singh Rajput: दिवंगत अभिनेता सुशांत सिंह राजपूत (Sushant Singh Rajput) याच्या निधनाला 4 वर्ष पूर्ण झाली आहे. पण आजही चाहते अभिनेत्याला विसरु शकले नाहीत. 14 जून 2020 मध्ये राहत्या घरी सुशांत याने स्वतःला संपवल्याची माहिती समोर आली. पण अद्यापही अभिनेत्याच्या मृत्यूचं खरं कारण समजू शकलेलं नाही. गेल्या 4 वर्षांपासून सुशांत सिंह राजपूत मृत्यू प्रकरणी तपास सुरु आहे. दरम्यान, सुशांतसोबत असलेल्या आठवणी सेलिब्रिटी कायम सांगत असतात. नुकताच अभिनेता प्रतीक बब्बर याने सुशांतच्या इच्छांबद्दल सांगितलं आहे. 2019 मध्ये प्रदर्शित झालेल्या ‘छिछोरे’ सिनेमात दोघे एकत्र दिसले होते.

प्रतीक बब्बरने सांगितले की, ‘छिछोरे’च्या शूटिंगनंतर सुशांतने एकटाच अंटार्क्टिकाला जाण्याची इच्छ व्यक्त केली होती. प्रतीक आणि सुशांत फार चांगले मित्र नव्हते. पण सिनेमातील बास्केटबॉल सीन शूट करण्यासाठी एकत्र आले होते. जेव्हा दोघांमध्ये चर्चा रंगल्या होत्या.

प्रतीक म्हणाला, ‘सुशांत थोडा वेगळा होती. त्याने मला सांगितलं होतं, मी अंटार्क्टिका जाणार आहे…’ सांगायचं झालं तर 2019 मध्ये सुशांतने त्याच्या 50 स्वप्नांची यादी सोशल मीडियावर पोस्ट केली होती. पण सुशांत स्वतःचे 50 स्वप्न पूर्ण करू शकला नाही. सुशांत 50 पैकी फक्त 13 स्वप्न पूर्ण करू शकला.

 

View this post on Instagram

 

A post shared by Sushant Singh Rajput (@sushantsinghrajput)

सुशांत स्टारर ‘छिछोरे’ सिनेमाने चाहत्यांचं भरभरुन मनोरंजन केलं. आजही सिनेमातील गाणी आणि काही सीन सोशल मीडियावर व्हायरल होत असतात. सुशांतच्या निधनानंतर सर्वांना मोठा धक्का बसला. पण अभिनेत्याच्या मृत्यूचं रहस्य अद्याप गुलदस्त्यात आहे. चाहते आणि कुटुंबिय अभिनेत्याला कधी न्याय मिळेल… याच प्रतीक्षेत आहेत.