मावस भावाचा मूकबधिर मुलीवर लैंगिक अत्याचार

16 वर्षांच्या मूकबधीर अल्पवयीन मुलीवर 22 वर्षीय मावस भावाने लैंगिक अत्याचार केल्याची घटना समोर आली आहे. आरोपी विरोधात पोलिसांनी लैंगिक अत्याचारासह बालकांचे लैंगिक अत्याचारापासून संरक्षण कायद्या (पोक्सो) अंतर्गत गुन्हा दाखल केला आहे. पोलीस आरोपीचा शोध घेत आहेत.

16 वर्षांची मुलगी तिच्या कुटुंबीयांसोबत राहत असून ती मूकबधीर आहे. आरोपीदेखील त्याच परिसरात वास्तव्यास होता. 1 मे ते 30 ऑक्टोबर 2024 या कालावधीत तो मावशीच्या घरी वास्तव्यास होता. मावशीची मुलगी अल्पवयीन असल्याचे माहीत असताना त्याने तिला लग्नाचे आमिष दाखविले. लग्नाचे आमिष दाखवून त्याने तिच्यावर अनेकदा लैंगिक अत्याचार केला. दोन दिवसांपूर्वी मुलीच्या आईला हा प्रकार समजला. त्यामुळे त्यांना प्रचंड मानसिक धक्का बसला. त्यांनी तात्काळ पोलिसांना घडलेला प्रकार सांगून आरोपीविरुद्ध तक्रार केली. या तक्रारीच्या आधारे पोलिसांनी आरोपी मावस भावाविरुद्ध लैंगिक अत्याचारासह पोक्सो कलमांतर्गत गुन्हा दाखल केला. आरोपी मुंबई बाहेर पळून गेल्याने मुंबई पोलीस त्याचा शोध घेत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.