पुणे शहरात छुप्या पद्धतीने गुटख्याची अवैध वाहतूक, विक्री सुरू असल्याचे वारंवार समोर आले असून बुधवारी दुपारी स्वारगेट परिसरातील पुरम चौकात गुटख्याची वाहतूक करणारा टेम्पो पकडला. टेम्पोमध्ये सुगंधित तंबाखू, रजनीगंधा, विमल असा तब्बल 15 लाख 65 हजारांचा साठा आढळून आला. वाहतूक पोलिसांनी टेम्पो अडविल्यानंतर त्याची तपासणी केली. त्यावेळी हा प्रकार उघडकीस आला. याप्रकरणी स्वारगेट पोलीस ठाण्यात गुन्हा दाखल करण्यात आला असून चालकाला अटक केली आहे.
कुदबुद्दीन अलीहुसेन दारूवाला (38, रा. मिठानगर, कोंढवा) असे अटक करण्यात आलेल्याचे नाव आहे. याबाबत खडक वाहतूक विभागातील पोलीस कर्मचार्याने फिर्याद दिली आहे. बुधवारी दुपारी पुरम चौकात ही कारवाई करण्यात आली.
राज्यामध्ये गुटखा, पानमसाला, सुगंधित तंबाखू व इतर पदार्थाच्या विक्री व वापरास प्रतिबंध करण्यात आलेला आहे. असे असले तरी पुण्यात गुटखाबंदी ही कागदावरच असल्याचे स्पष्ट होत आहे. मागील अनेक कारवायांमधून हे अधोरेखित झाले आहे. शहरातील छोट्या मोठ्या टपर्यांवर सहजरीत्या गुटखा उपलब्ध होतो. दरम्यान, बुधवारी दुपारी खडक वाहतूक विभागातील कर्मचारी पुरम चौकात थांबलेले होते. त्यावेळी तेथून जाणार्या एका टेम्पोला त्यांनी अडविले. संशय आल्याने त्यांनी टेम्पोची तपासणी केली तेव्हा आतमध्ये गुटख्याचा साठा आढळून आला. त्यानूसार स्वारगेट पोलीस ठाण्यात गुन्हा दाखल करण्यात आला आहे. अटक करण्यात आलेला व्यक्ती चालक म्हणून काम करतो. त्याने हा गुटखा कुणाच्या सांगण्यावरून तसेच कोठे घेवून जात होता, याबाबत स्वारगेट पोलीस तपास करत आहेत. दरम्यान, स्वारगेट परिसरात यापुर्वी देखील गुटखा कारवाया करण्यात आलेल्या आहेत. याठिकाणी स्वारगेट पोलीस ठाणे, गुन्हे शाखा यूनिट दोनचे कार्यालय आहे. या पथकातील कर्मचार्यांची हद्दीत गस्त असते. तरीदेखील गुटखा विक्री सुरूच असल्याचे समोर येत आहे.
…नूकताच एक कोटींचा साठा जप्त केला
काही दिवसांपुर्वीच पुणे ग्रामिण पोलिसांनी खेड शिवापूर टोलनाका परिसरात तब्बल 1 कोटी 15 लाख 88 हजारांचा गुटखा जप्त केला. एका टेम्पोतून हा गुटखा कर्नाटक येथून पुण्यामध्ये येत होता. त्यानंतर आता स्वारगेट भागात ही कारवाई करण्यात आली आहे.
.jpeg)
Comment List