स्थळ : मोहोपाडा – अचानक मैदान. वेळ – सायंकाळी 5.30 खोपोली – डॉ. बाबासाहेब आंबेडकर स्मारक चौक. वेळ – सायंकाळी 7
चौक – विधानसभा निवडणुकीच्या पाश्र्वभूमीवर शिवसेना (उद्धव बाळासाहेब ठाकरे) पक्षाचे नेते व युवासेना प्रमुख आदित्य ठाकरे यांच्या प्रचाराचा झंझावात सध्या संपूर्ण राज्यात सुरू आहे. या सभांना प्रचंड गर्दी होत असून आदित्य ठाकरे यांची परिवर्तन सभा उद्या गुरुवारी कर्जत-खालापुरात होणार आहे. या सभेची जय्यत तयारी झाली असून आदित्य ठाकरे विरोधकांवर काय टीका करतात याकडे सर्वांचे लक्ष लागले आहे.
उरण विधानसभा मतदारसंघातील शिवसेना महाविकास आघाडीचे उमेदवार मनोहर भोईर यांच्या प्रचारासाठी गुरुवारी मोहोपाडा येथील अचानक मैदानावर सायंकाळी 5.30 वाजता आदित्य ठाकरे यांची परिवर्तन सभा होणार आहे. त्यानंतर कर्जत-खालापूरमधील महाविकास आघाडीचे उमेदवार नितीन सावंत यांच्या प्रचारासाठी खोपोलीतील भारतरत्न डॉ. बाबासाहेब आंबेडकर स्मारक चौकात सायंकाळी सात वाजता परिवर्तन सभा होणार असून ही सभा प्रचंड गर्दीची ठरेल, असा विश्वास व्यक्त करण्यात आला आहे.
.jpeg)
Comment List