बंगालमध्ये टीएमसी नेत्याची गोळी घालून हत्या, गोळीबारानंतर बॉम्बही फेकला; अनेक जण जखमी

पश्चिम बंगालमधील परगना जिल्ह्यात तृणमूल काँग्रेसच्या एका नेत्याची बुधवारी अज्ञात आरोपींनी गोळी घालून हत्या केली. अशोक शॉ असे मयत नेत्याचे नाव आहे. शॉ हे जगतदल वॉर्ड नंबर 12 चे तृणमूल काँग्रेसचे माजी अध्यक्ष होते. जगतदल पोलीस ठाण्यापासून काही अंतरावर ही घटना घडली. गोळी मारल्यानंतर आरोपींनी अशोक यांच्यावर बॉम्ब फेकला.

स्थानिक लोकांनी अशोक यांना तात्काळ जवळच्या सरकारी रुग्णालयात नेले, मात्र उपचारादरम्यान त्याचा मृत्यू झाला. बॉम्बस्फोटात काही नागरिक जखमी झाले असून त्यांच्यावर रुग्णालयात उपचार सुरू आहेत.

घटनेची माहिती मिळताच बॅरकपूर पोलीस आयुक्त आलोक राजोरिया पोलीस पथकासह घटनास्थळी दाखल झाले. संशयित आरोपींना ताब्यात घेत चौकशी करत असल्याचे पोलिसांनी सांगितले. पोलीस प्रकरणाचा सखोल तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.