नेहा कक्करचा एक्स बॉयफ्रेंड हिमांश कोहली अखेर विवाहबंधनात अडकला आहे. अभिनेत्याचा लग्नाचा पहिला फोटो समोर आला आहे. तो त्याच्या जोडीदारासोबत दिसत आहे. ज्यामध्ये त्याने गुलाबी रंगाची शेरवानी घातली आहे आणि डोक्यावर पगडी घातलेली आहे. या फोटोमध्ये नवविवाहित जोडपे खूप आनंदी दिसत आहे. चाहते दोघांचेही अभिनंदन करताना दिसत आहेत.
फोटोमध्ये अभिनेता हिमांश कोहली याने त्याच रंगाची पगडी घातली आहे. त्याच्या पत्नीने गुलाबी रंगाचा लेहेंगा आणि सोनेरी आणि गुलाबी मिश्रित रंगाचा दुपट्टा घेतला आहे. विशेष म्हणजे हिमांशने आपल्या पत्नीचे नाव आतापर्यंत लपवून ठेवले आहे. मात्र, लग्नातील मेहेदी कार्यक्रमादरम्यान त्याच्या हातावर व्ही लिहिलेले अक्षर मिळाले. त्यामुळे त्यांच्या पत्नीचे नाव व्ही ने सुरू होण्याची शक्यता वर्तवली जात होती.
काही मीडिया रिपोर्ट्समध्ये दावा करण्यात आला आहे की हिमांश कोहलीची पत्नी नॉन फिल्मी पार्श्वभूमीची आहे. त्यांचं अरेंज्ड कम लव्ह मॅरेज असल्याची चर्चा आहे. 12 नोव्हेंबरला दोघांचे लग्न झाले. याआधी मेहंदी सोहळ्याचे फोटो व्हायरल झाले होते.
नेहा कक्कर आणि हिमांश कोहली एकमेकांना खूप दिवसांपासून डेट करत होते. पण 2018 मध्ये दोघेही वेगळे झाले. या ब्रेकअपनंतर दोघेही मोकळेपणाने बोलले. नेहाही कॅमेऱ्यासमोर अनेकदा रडली. हिमांश टीव्ही सीरियल ‘हमसे है लाइफ’मध्ये दिसला आहे. यानंतर तो ‘यारियां’, ‘जीना इस का नाम है’, ‘रांची डायरीज’, ‘दिल जो ना कह सका’मध्येही दिसला आहे. यासोबतच तो अनेक म्युझिक व्हिडिओंमध्येही दिसला होता.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List