‘बटेंगे तो कटेंगे’सारखी विधाने चुकीची, घृणास्पद आहेत. यातून कोणताही फायदा होऊ शकत नाही. अशा प्रकारच्या राजकारणामुळे उत्तर प्रदेशचे खूप नुकसान झाले आहे. अगदी मंदिराच्या उभारणीत उत्तर प्रदेशात भाजपचा दारुण पराभव झाला. त्यामुळे अन्न, वस्त्र, निवारा या मूलभूत गरजांवर राजकारण केले पाहिजे. लोकांच्या विकासाची चर्चा व्हायला हवी, असे खडेबोल अजित पवार गटाचे नेते आणि मानखुर्द शिवाजीनगर विधानसभेचे उमेदवार नवाब मलिक यांनी भाजपला सुनावले.
‘बटेंगे तो कटेंगे’ ही घोषणा उत्तर प्रदेश आणि झारखंडमध्ये चालेल, पण महाराष्ट्रात ती चालणार नाही. मी त्याचे समर्थन करत नाही. आमचा नारा आहे – सबका साथ सबका विकास, अशा शब्दांत उपमुख्यमंत्री अजित पवार यांनी भाजपच्या नाऱ्याला विरोध केला होता. त्यापाठोपाठ नवाब मलिक यांनीही हिंदू-मुस्लिमच्या नावावर कोणीही देशाचे विभाजन करू नये, असे मत व्यक्त करत ‘बटेंगे तो कटेंगे’ या घोषणेवरून भाजपवर निशाणा साधला.
.jpeg)
.jpeg)
Comment List