विमानतळावरून 2.67 कोटींचे सोने जप्त

महसूल गुप्तवार्ता संचालनालयाने (डीआरआय) छत्रपती शिवाजी महाराज आंतरराष्ट्रीय विमानतळावर कारवाई करून 2.67 कोटींचे सोने जप्त केले. सोने तस्करीप्रकरणी दोघांना डीआरआयने अटक केली.

छत्रपती शिवाजी महाराज आंतरराष्ट्रीय विमानतळावर सोने तस्करीचे प्रकार होऊ नये याची खबरदारी घेतली गेली आहे. विमानतळावरील ग्राहक सेवा पुरवणाऱया कंपनीचा कर्मचारी आणि ग्राऊंड स्टाफ हे सोने तस्करीत असल्याची माहिती डीआरआयला मिळाली. त्या माहितीनंतर डीआरआयच्या अधिकाऱयाने विमानतळाच्या एक्झिट गेटवर महिला कर्मचारीला अडवले. महिलेची झडती घेतली. तिच्याकडून 3350 ग्रॅम पेस्ट स्वरूपातील सोने असलेली पाकिटे आढळून आली. तिची डीआरआयच्या अधिकाऱयाने कसून चौकशी केली. त्यानंतर डीआरआयने ग्राऊंड हँडलिंग कर्मचाऱयाला ताब्यात घेतले. त्याने विमानाच्या टाकाऊ कार्टमधून तस्करी केलेले सोने मिळवले होते. महिला तिच्या एअरोड्रोम एंट्री परमिट (AEP) चा वापर करून ती विमानतळाबाहेर सोने नेऊन त्याची तस्करी करणार असल्याचे तपासात समोर आले आहे. सोने तस्करीप्रकरणी दोघांचा जबाब नोंदवून दोघांना अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.