गॉफने प्रथमच जिंकला डब्लूटीए फायनल्सचा किताब

अमेरिकेच्या कोको गॉफ हिने पॅरिस ऑलिम्पिकमधील सुवर्णपदकविजेत्या चीनच्या झेंग किनवेन हिचा पराभव करीत डब्लूटीए फायनल्सचा किताब जिंकत इतिहास घडविला. तिने कारकिर्दीत प्रथमच या स्पर्धेचे विजेतेपद पटकावले हे विशेष! कोको गॉफने विजेतेपदाच्या लढतीत जबरदस्त पुनरागमन करताना झेंग किनवेन हिचा 3-6, 6-4, 7-6 असा पराभव करीत विजेतेपदावर आपले नाव कोरले. या विजेतेपदाबद्दल तिला 40.54 कोटी रुपयांचे पारितोषिक देऊन गौरविण्यात आले.

तृतीय मानांकित गॉफने अव्वल मानांकित आर्यना सबालेंका हिचा पराभव करीत अंतिम फेरी गाठली होती. दुसरीकडे 22 वर्षीय झेंग हिनेही विम्बल्डन चॅम्पियन बारबरा क्राजीकोवा हिचा पराभव करून अंतिम फेरीत प्रवेश केला होता. कोका गॉफ ही 21 वर्षांहून कमी वयात ही स्पर्धा जिंकणारी चौथी अमेरिकन महिला टेनिसपटू ठरली. तिच्या आधी, क्रिस एवर्ट ट्रेसी ऑस्टिन व सेरेना विल्यम्स यांनी हा पराक्रम केलेला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.