मेक्सिकोमधील बारमध्ये अंदाधुंद गोळीबार, 10 जणांचा मृत्यू; 9 जण जखमी

मेक्सिकोमध्ये एका बारमध्ये गोळीबाराची घटना घडली आहे. गोळीबारात 10 जणांचा मृत्यू झाला तर 9 जण जखमी झाले. काही सशस्त्र हल्लेखोरांनी बारमध्ये प्रवेश करत गोळीबार सुरू केला. या ठिकाणी आधीच हिंसाचार सुरू असल्याने पोलीस गोळीबाराच्या घटनेचा त्या अनुषंगाने तपास करत आहेत.

क्वेरेटारोमधील बार लॉस कँटारिटोसमध्ये ही गोळीबाराची घटना घडली. मिळालेल्या माहितीनुसार, शनिवारी रात्री उशिरा चार सशस्त्र हल्लेखोरांनी बारमध्ये प्रवेश केला. यानंतर बारमधील ग्राहक आणि कर्मचाऱ्यांना गोळीबार सुरू केला.

घटनेची माहिती मिळताच पोलिसांनी घटनास्थळी धाव घेत बारला वेढा घातला. पोलिसांनी संशयितांना अटक केली असून तपास सुरू केला. परिसरात पोलीस बंदोबस्त वाढवण्यात आला आहे. दरम्यान, हल्लेखोरांनी गोळीबार का केला याबाबत अद्याप कळू शकले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.