भरधाव ट्रॅक्टर आणि दुचाकीची समोरासमोर धडक, दोघांचा जागीच मृत्यू

वाशिम-शेलुबाजार मार्गावर भरधाव ट्रॅक्टर आणि दुचाकीची समोरासमोर धडक झाल्याने अपघात घडला. या अपघातात एकाच गावातील दोघांचा जागीच मृत्यू झाला. बाळू लगड आणि डिगंबर देशमुख अशी मयतांची नावे आहेत. दोघांच्या मृत्यूमुळे गावावर शोककळा पसरली आहे.

काटा गावातील डिगंबर देशमुख हे दुचाकीवरून वाशिमकडे चालले होते. तर बाळू लगड हे वाशिमहून काटा गावाकडे येत होते. दोघेही भरधाव वेगाने येत होते. यादरम्यान वाशिम-शेलुबाजार मार्गावर दोघांची वाहनांची समोरासमोर धडक झाली.

धडक होताच दुचाकीवरील डिगंबर हे रस्त्यावर लांब फेकले गेले. यात जबर मार लागल्याने त्यांचा जागीच मृत्यू झाला. तर धडक होताच ट्रॅक्टर पलटी झाला आणि चालक बाळू हे ट्रॅक्टरखाली दबले जाऊन त्यांचाही जागीच मृत्यू झाला. याप्रकरणी वाशिम ग्रामीण पोलीस ठाण्यात नोंद करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.