महाराष्ट्रात चोरांचे सरकार, त्यांचे सरदार दिल्लीत बसलेत; संजय राऊत यांचा घणाघात

पंतप्रधान नरेंद्र मोदी आणि अमित शहा यांनी महाराष्ट्रात डेरा टाकला आहे, राज्यात चोरांचे सरकार असून त्यांचे सरदार दिल्लीत बसले आहेत अशी टीका शिवसेना नेते, खासदार संजय राऊत यांनी केली.

आज मुंबईत महाविकास आघाडीचा जाहीरनामा प्रकाशित झाला. त्यावेळी संजय राऊत म्हणाले की, महाराष्ट्रात चोरांचे सरकार सुरू आहे. या चोरांचे सरदार दिल्लीत बसले आहेत. महाराष्ट्रनामाचा एकच हेतू आहे तो म्हणजे या महाराष्ट्र चोरांना इथून हटवा मग दिल्लीच्या चोरांना हटवा. महाराष्ट्र हे स्वाभिमानी महाराष्ट्र राहिलेले आहे. छत्रपती शिवाजी महारांजाशी महाराष्ट्राशी नाव जोडलेलं आहे. महाराष्ट्र हा कधीच गुलाम होणार नाही आणि महाराष्ट्र कुणाची गुलामी करणार. महाराष्ट्रनामात जे काही म्हटलं आहे ते स्वाभिमानाबद्दल म्हटलंय. आम्ही आमच्या पायांवर उभे राहू. आम्ही तुमची गुलामी नाही करणार असे संजय राऊत म्हणाले.

तसेच अमित शहा आणि नरेंद्र मोदींनी महाराष्ट्रात डेरा टाकला आहे. हे लोक दिल्लीत कधी जातात हे माहित नाही. त्यांनी नवीन नारा दिला आहे एक है तो सेफ हे. म्हणून आम्ही म्हटलं की मोदींनी महाराष्ट्रात येऊ येऊ नये नाहीतर आम्ही अनसेफ होऊन जातो. हा महाराष्ट्रनामा त्यासाठीच आहे. जाहीरनामा तयार करण्यासाठी काँग्रेस, राष्ट्रवादी, शेकाप, समाजवादी पक्ष, आरपीआय (गवई गट) इतर मित्रपक्षांनी सहकार्य केलेले आहे,त्यांचे आभार संजय राऊत यांनी मानले