महाराष्ट्रातील सर्वच जिल्ह्यांमध्ये महाविकास आघाडीच्या उमेदवारांचा जोरदार प्रचार सुरू आहे. गद्दारांना मातीत गाडण्यासाठी सर्वांनीच कंबर कसली आहे. त्याच अनुषंगाने रत्नागिरी मतदार संघातील महाविकास आघाडीचे उमेदवार बाळ माने यांच्या प्रचाराचा झंझावात सुरू आहे.
रत्नागिरी मतदारसंघातील महाविकास आघाडीचे उमेदवार बाळ माने निवडणूक रिंगणात आहेत. सध्या निवडणूक प्रचाराची रणधुमाळी सुरू आहे. रत्नागिरी शहरातील रामआळी येथील बाजारपेठेत महाविकास आघाडीच्या पदाधिकाऱ्यांनी प्रचार मोहिम राबवली. व्यापाऱ्यांना प्रचार पत्रके देत 20 नोव्हेंबरला मशाल चिन्हासमोरील बटण दाबून बाळ माने यांना मतदान करण्याचे आवाहन केले. यावेळी शिवसेना उद्धव बाळासाहेब ठाकरे पक्षाचे विधानसभा क्षेत्रप्रमुख प्रमोद शेरे, राष्ट्रवादी काँग्रेस शरदचंद्र पवार पक्षाचे उपाध्यक्ष मिलींद कीर, शिवसेना उद्धव बाळासाहेब ठाकरे पक्षाचे शहरप्रमुख प्रशांत साळुंखे, उपशहरप्रमुख नितीन तळेकर, विभागप्रमुख सलील डाफळे, प्रशांत सुर्वे, संदेश भिसे, बिपीन शिवलकर, भाया पावसकर, प्रकाश गुरव, प्रवीण शिवलकर आणि अमित खडसोळे उपस्थित होते.
.jpeg)
Comment List