मुंबई-पुणे महामार्गावर खासगी बस-ट्रकचा भीषण अपघात, 18 प्रवासी किरकोळ तर 8 जण गंभीर जखमी

मुंबई-पुणे महामार्गावर खोपोलीजवळ खासगी बस आणि ट्रकचा भीषण अपघाताची घटना शनिवारी पहाटे घडली. या अपघातात 18 प्रवाशी किरकोळ जखमी झाले तर 8 प्रवाशी गंभीर जखमी झाले. बस चालकाचे नियंत्रण सुटल्याने हा अपघात घडला. जखमींना उपचारासाठी कामोठे येथील एमजीएम रुग्णालयात दाखल करण्यात आले आहे. अपघातानंतर काही वेळ महामार्गावर वाहतूक कोंडी निर्माण झाली होती.

मुंबई-पुणे एक्सप्रेस वेवर खोपोली हद्दीत बोरघाट उतरताना नवीन बोगद्यामध्ये अपघाताची घटना घडली. ट्रकमधील हवा कमी झाल्याने ट्रक रस्त्याच्या बाजूला तिसऱ्या लेनवर उभा होता. यादरम्यान मागून येणाऱ्या बाळूमामा कंपनीच्या खासगी बसचालकाचा वाहनावरील ताबा सुटला आणि बस उभ्या असलेल्या ट्रकला धडकली.

बसमध्ये एकूण 38 प्रवाशी होते. अपघातात 18 प्रवाशी किरकोळ जखमी झाले तर 8 प्रवाशी गंभीर जखमी झाले. मनिषा भोसले, सुनिता तराळ, बालाजी सूर्यवंशी, संकेत घारे, अभिजीत दिंडे, सरिता शिंदे, संदीप मोगे, सोनाक्षी कांबळे अशी गंभीर जखमी प्रवाशांची नावे आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.