गृहकर्ज, वाहन कर्जाचा हप्ता वाढणार!

ऐन निवडणुकीच्या धामधुमीत एचडीएफसी बँकेने ग्राहकांना मोठा दणका दिला आहे. बँकेने आपल्या कर्जदरात (एमसीएलआर) च्या दरात 0.05 टक्के वाढीचा निर्णय घेतला आहे. बँकेच्या या निर्णयामुळे ग्राहकांचा गृहकर्ज आणि वाहन कर्जाचा हप्ता वाढणार आहे. एचडीएफसी बँकेने दिलेल्या माहितीनुसार, वाहन कर्ज आणि पर्सनल लोन यांसारख्या बहुतांश ग्राहक कर्जांच्या दर निर्धारणासाठी मानदंड म्हणून वापरात येणारा एक वर्ष कालावधीचा ‘एमसीएलआर’ संलग्न व्याजाचा दर 9.45 टक्के राखून ठेवण्यात आला आहे. परंतु त्यापेक्षा कमी कालावधीच्या ‘एमसीएलआर’ संलग्न व्याजदर 9.10 टक्क्यांवरून 9.15 टक्क्यांपर्यंत ते 9.20 टक्क्यांपर्यंत वाढवले आहेत. व्याजाचे नवीन दर गुरुवारपासून लागू झाले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.