आदित्य ठाकरे यांच्या आज नांदगाव, देवळाली, नाशिक पश्चिममध्ये जाहीर सभा

शिवसेना नेते, युवासेनाप्रमुख, आमदार आदित्य ठाकरे हे शुक्रवारी, 8 नोव्हेंबर रोजी नाशिक जिल्हा दौऱ्यावर येत आहेत. शिवसेना (उद्धव बाळासाहेब ठाकरे) पक्षाच्या उमेदवारांच्या प्रचारार्थ नांदगाव, देवळाली, नाशिक पश्चिम मतदारसंघात त्यांच्या जाहीर सभा होणार आहेत.

नांदगावमधील महाविकास आघाडीचे शिवसेना उमेदवार गणेश धात्रक यांच्या प्रचारार्थ दुपारी दोन वाजता निमगाव येथे आदित्य ठाकरे यांची सभा होणार आहे. देवळालीतील शिवसेना उमेदवार योगेश घोलप यांच्या प्रचारासाठी सायंकाळी साडेपाच वाजता देवळाली पॅम्पच्या जुने बसस्टॅण्डजवळ जाहीर सभा होईल. नाशिक पश्चिमचे शिवसेना उमेदवार सुधाकर बडगुजर यांच्या प्रचारार्थ सिडकोतील पवननगर येथे साडेसहा वाजता सभा होत आहे. यावेळी उपनेते सुनील बागुल, खासदार राजाभाऊ वाजे, विनायक पांडे, माकपाचे नेते डॉ. डी. एल. कराड, अपूर्व हिरे, वसंत गीते, बबन घोलप, तानाजी जायभावे, विलास शिंदे, डी. जी. सूर्यवंशी, आकाश छाजेड, गजानन शेलार, नाना महाले, केशवअण्णा पाटील, लक्ष्मण जायभावे हजर राहणार आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.