धक्कादायक! महाराष्ट्रात तीन तासाला एक शेतकरी संपवतो जीवन

महाराष्ट्रात तीन तासाला एक शेतकरी आत्महत्या करीत आहे. महिला अत्याचारात महाराष्ट्र देशात दुसऱ्या क्रमांकाकर आहे, ही शिंदे-भाजपा सरकारची कामगिरी आहे. महाराष्ट्राच्या जनतेला धोका देणाऱया धोकेबाज क खोकेबाज सरकारचे शेवटचे पंधरा दिवस राहिले असून 23 तारखेला हे सरकार पायउतार होईल, अशी घणाघाती टीका अखिल भारतीय काँग्रेस कमिटीच्या मीडिया क पब्लिसिटी विभागाचे चेअरमन पवन खेरा यांनी आज केली. टिळक भवनात आयोजित पत्रकार परिषदेत ते बोलत होते.

शिंदे-भाजप सरकारने पुणे रिंग रोड, समृद्धी महामार्ग, जलयुक्त शिवार, रुग्णवाहिका खरेदी, धारावी पुनर्वसन प्रकल्प, छत्रपती शिवाजी महाराजांच्या पुतळ्यात भ्रष्टाचार करून जनतेचा पैसा लुटला आहे. शिंदे-फडणवीस सरकारच्या भ्रष्टाचाराची यादी फार मोठी आहे. या सरकारने महाराष्ट्रात येणारे नेदांता फॉक्सकॉन, टाटा एअरबस, बल्क ड्रग्ज प्रकल्प यासारखे तब्बल 10 लाख कोटी रुपयांची गुंतवणूक असलेले प्रकल्प गुजरात व इतर राज्यात जाऊ दिले. यामुळे महाराष्ट्रातील 10 लाख रोजगार हिरावले व सुशिक्षित तरुण बेरोजगारच राहिले. भाजप ‘बहुत झुठी पार्टी’ असून या पक्षाचे नरेंद्र मोदींपासून खालपर्यंत सर्वच जण सातत्याने खोटे बोलत असतात, असेही ते म्हणाले.

भाजपकडून जनतेची दिशाभूल

काँग्रेसने कर्नाटक, तेलंगणात दिलेल्या गॅरंटींची अंमलबजावणी केली नाही अशा खोटय़ा जाहिराती भाजपने वर्तमानपत्रातून दिल्या आहेत. काँग्रेस विरोधात जाणीवपूर्वक अपप्रचार करुन जनतेची दिशाभूल केल्यामुळे निवडणूक आयोगाकडे तक्रार दाखल करणार असल्याचेही पवन खेरा यांनी सांगितले.