रयत क्रांती संघटनेचे नेते, माजी मंत्री सदाभाऊ खोत यांनी राष्ट्रवादी काँग्रेसचे अध्यक्ष शरद पवार यांच्या आजारपणावर वादग्रस्त विधान केले. यामुळे त्यांच्यावर टीकेचा भडीमार होत आहे. महाविकास आघाडीच्या नेत्यांनी सदाभाऊ खोत यांचा खरपूस समाचार घेतला आहे. आता राष्ट्रवादीचे प्रदेशाध्यक्ष जयंत पाटील यांनीही त्यांच्यावर निशाणा साधला आहे.
सदाभाऊ खोत यांचे विधान दुर्दैवी आहे. त्यांच्यासारखी माणसे, डॉग स्क्वॉड भारतीय जनता पक्षाने बाळगले आहेत. याला देवेंद्र फडणवीस यांचे समर्थन आहे का? असा खडा सवाल जयंत पाटील यांनी फडणवीस यांच्याकडे खुलासा मागितला आहे.
सदाभाऊ खोत यांना त्यांनी केलेल्या वक्तव्याचे प्रायश्चित्त करावे लागेल. भाजपमधील काही लोक शरद पवार साहेबांवर खालच्या पातळीवर जाऊन टीका करतात आणि आमदारकी मिळवतात. भाजपचा हा विचार त्यांनाच लखलाभ असो, असा टोलाही जयंत पाटील यांनी लगावला.
महाराष्ट्राच्या राजकीय तुळशी वृंदावनामध्ये फडणवीसांना भांगेची रोपटी लावली; संजय राऊत यांचा घणाघात
अजित पवारांनीही व्यक्त केली नाराजी
दरम्यान, सदाभाऊ खोत यांच्या विधानावर महायुतीत उपमुख्यमंत्री अजित पवार यांनीही नाराजी व्यक्त केली. सदाभाऊ खोत यांचे विधान निषेधार्ह असून त्यांना यासंदर्भात फोनही केला. हे विधान मला अजिबात आवडलेले नाही. अशा पद्धतीने वैयक्तिक पातळीवर बोलणे योग्य नाही, असे त्यांना सुनावल्याचे अजित पवार म्हणाले.
.jpeg)
Comment List