सूरतमध्ये जिम आणि स्पा सेंटरमध्ये भीषण आग, दोन तरुणींचा होरपळून मृत्यू

सूरतमध्ये फॉर्च्युन मॉलमध्ये आगीची भीषण घटना बुधवारी रात्री उशिरा घडली. मॉलच्या तिसऱ्या मजल्यावर जिम आणि स्पा सेंटरमध्ये ही आग लागली. या आगीत स्पा सेंटरमध्ये आलेल्या दोन तरूणींचा जळून मृत्यू झाला. तर काही जखमी झाल्या.

आगीची माहिती मिळताच अग्नीशमन दलाच्या 12 गाड्या घटनास्थळी दाखल झाल्या. अग्निशमन दलाने आगीवर नियंत्रण मिळवण्यासाठी आणि आत अडकलेल्यांना बाहेर काढण्यासाठी शर्थीचे प्रयत्न सुरू केले.

आगीमुळे मॉलमध्ये सर्वत्र धूर पसरला होता. यामुळे बचाव कार्य करण्यात अडचणी येत होत्या. आग कशामुळे लागली? आगीत किती जण जखमी झाले? याबाबत अद्याप कळू शकले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.