गाडी धुण्यासाठी गेलेल्या दोन शेतकऱ्यांचा दुर्दैवी मृत्यू

एकीकडे सर्वजण दिवाळीचा आनंद साजरा करीत असताना कोपरगाव तालुक्यातील मढी बुद्रुक मध्ये एक धक्कादायक घटना घडली आहे. उम्रावती नदीवर गाडी धुवत असताना पाय सरकून नदीत पडल्याने दोन शेतकऱ्यांचा बुडून मृत्यू झाल्याची घटना घडली.

उत्तम राहणे (42) व माधव गमे (32) असे मृत शेतकऱ्यांची नावे आहे.मढी येथील उम्रावती नदीवर दोन शेतकरी आपले चारचाकी वाहन धुण्यासाठी गेले होते. उत्तम राहणे हे आपले वाहन धुवत असताना पाय सरकून नदीत पडले. त्यावेळी माधव गमे हे देखील त्याना वाचवण्यासाठी गेले. मात्र तेव्हा पाण्याचा अंदाज न आल्याने दोघेही पाण्यात बेपत्ता झाले. ऐन दिवाळीच्या दिवशी राहणे आणि गमे कुटुंबीयांवर दु:खाचे डोंगर कोसळल्याने परिसरात हळहळ व्यक्त करण्यात येत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.