दादा गट पाकीटमारांची टोळी, आव्हाडांनी डागली तोफ

राष्ट्रवादी काँग्रेस पक्ष कोणी स्थापन केला? तर शरद पवारांनी. पण एक दिवस अजित पवार अचानक आले आणि त्यांनी पवारांनाच धक्के मारून बाहेर काढले. एवढेच नाही तर, जाता जाता त्यांनी पक्षाचे चिन्हदेखील चोरून नेले. अजित पवार म्हणजे पाकीटमारांची टोळी असल्याचा जबरदस्त घणाघात राष्ट्रवादी काँग्रेस शरदचंद्र पवार पक्षाचे मुंब्य्रातील उमेदवार जितेंद्र आव्हाड यांनी केला आहे.

मुंब्य्रात चौकसभेत आव्हाड म्हणाले की, तुम्ही मर्दाची औलाद असता तर भाजपकडे गेला नसता. शरद पवारांनी फाटाफुटीनंतर तुतारी निशाण हाती घेतले. आता मी दुसरी कोणती तरी निशाणी घेऊन लढेन असे अजित पवार म्हणाले असते तर त्यांना मी मर्द म्हटले असते. पण दुसऱ्याचे चिन्ह चोरून ते निवडणूक लढवीत आहेत, अशा शब्दांत आव्हाड यांनी समाचार घेतला.

Watch: Jitendra Awhad, NCP (SP) candidate from the Mumbra-Kalwa Assembly constituency, says, “The NCP belonged to Sharad Pawar. But one day, Ajit Pawar comes along, pushes Sharad Pawar out, and even takes the symbolic watch from his hand as he leaves. This is a gang of thieves.… pic.twitter.com/TqvUHudCE4

— IANS (@ians_india) November 3, 2024

साहेब 18 तास काम करतात

राष्ट्रवादीचे अध्यक्ष शरद पवार यांच्याविषयी बोलताना जिंतेद्र आव्हाड अत्यंत भावुक झाले. आव्हाड म्हणाले की, गंभीर आजार असूनही शरद पवार आजही दिवसातले

18 तास काम करतात. जनतेसाठी ते लढवय्ये म्हणून निवडणुकीच्या मैदानात उतरले असून मतदार पाकीटमारांच्या टोळीला नेस्तनाबूत केल्याशिवाय राहणार नाहीत, असेही आव्हाड यांनी बजावले.