गोरेगावमध्ये इमारतीच्या दुसऱ्या मजल्याला आग, दोघांची प्रकृती अत्यावस्थ

गोरेगाव पश्चिमेला एका निवासी इमारतीला आग लागल्याची घटना शनिवारी दुपारी घडली. उच्चभ्रू वस्ती असलेल्या कल्पतरू रेडियनस या 31 मजल इमारतीच्या दुसऱ्या मजल्यावर आग लागली. आगीमुळे गुदमरल्याने दोघांची प्रकृती अत्यवस्थ आहे.

जखमींना तात्काळ उपचारासाठी ट्रॉमा केअर रुग्णालयात दाखल करण्यात आले. मनोज चौहान आणि शहाबुद्दीन अशी आगीत गुदमरलेल्या दोघांची नावे आहेत. दोघांवर उपचार सुरू असून त्यांची प्रकृती चिंताजनक असल्याचे महानगरपालिकेने निवेदनात म्हटले आहे.

शनिवारी दुपारी 12.49 वाजता इमारतीत आग लागली. आगीची माहिती मिळताच अग्नीशमल दलाच्या गाड्या घटनास्थळी तात्काळ दाखल झाल्या. दुपारी 2.18 वाजण्याच्या सुमारास आग विझवण्यात आली. आगीचे कारण अद्याप कळू शकले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.