महायुतीत बंडखोरीमुळे संघर्ष वाढणार; बंडोबा थंडावले नाही तर फटका बसणार

महायुतीत आलबेल नसल्याचे अनेकदा दिसून आले आहे. सुरुवातील जागावाटपावरून तिन्ही घटकांमध्ये संघर्ष होता. जागावाटप झाल्यावर उमेदवारच सापडेना अशी मिंधे आणि अजित पवार गटाची अवस्था झाली. त्याचा फायदा घेत भाजपने आपले चेलेचपाटे घुसवले. त्यामुळे नाराज झालेल्या अनेक नाराजांनी आता बंडाचे निशाण फडकावले आहे. त्यामुळे महाविकास आघाडीचे टेन्शन वाढले आहे. उमेदवारी अर्ज मागे घेण्याची शेवटची तारीख 4 नोव्हेंबर आहे. तोपर्यंत हे बंड शमवण्यात आणि नाराजांची मनधरणी करण्यात महायुतीला यश आले नाही तर त्यांना जागांचा फटका बसणार आहे, असे मत तज्ज्ञांनी व्यक्त केले आहे.

महायुतीत तिन्ही घटकांमध्ये इच्छुकांची संख्याही वाढलेली आहे. महायुतीतसुमारे 36 जणांनी बंडखोरी केलेली आहे. भाजप, शिंदे गट आणि अजित पवार गटाने एकमेकांविरोधात उमेदवार उभए केले आहेत. तसेच नाराजांनी देखील मोठ्या प्रमाणावर बंड केले आहे. नाराजांची मनधरणी करत त्यांचे बंड शमविण्याचे आव्हान महायुतीसमोर आहे.

उमेदवारी अर्ज मागे घेण्याची शेवटची ताऱीख 4 नोव्हेंबर आहे. त्यामुळे येत्या तीन दिवसांत महायुतीला बंडोबांची नाराजी दूर करावी लागणार आहे. बंडोबा त्यांच्या भूमिकेवर ठाम राहिले तर राज्यात सुमारे 50 जागांवर महायुतीला फटका बसण्याची शक्यता आहे. महायुतीत 36 बंडखोर उभे ठाकले आहेत. भाजपाने साम दाम दंड भेद वापरून बंडखोरीच्या तयारीत असलेल्या काही बंडोबांना थंडोबा केले आहे. मात्र, सर्वाधिक बंडखोर भाजपचेच आहे. त्यामुळे मिंधे आणि अजित पवार गटालाही मोठा फटका बसण्याची शक्यता आहे. मिंधे गटाच्या बंडखोरांनी 16 जागांवर आव्हान दिले आहे. तर अजित पवारांच्या गटाच्या एकाने बंडखोरी केली आहे. बंडखोर आणि नाराजांमुळे महायुतीचे टेन्शन वाढले आहे.