मेयोनिजमुळे अन्नातून अनेकांना विषबाधा झाल्याच्या तक्रारी, तेलंगण सरकारने घातली बंदी

मेयोनिजमुळे अन्नातून अनेकांना विषबाधा झाल्याच्या तक्रारी तेलंगण सरकारकडे सातत्याने येत होत्या. ज्यामुळे तेलंगणच्या अन्न सुरक्षा आयुक्तांनी यासंदर्भात बंदी आदेश जारी केला आहे.

सँडविच, बर्गर आणि मोमोज यांसारख्या पदार्थांसोबत मिळणारे सॉसेजही त्यांची चव वाढवतात. आजकाल फास्ट फूडमध्ये मेयोनीजचा वापर सर्वाधिक वाढत आहे. विविध फास्ट फूडसोबत मेयोनिजचे मोठ्या प्रमाणात सेवन केले जात असले तरी त्याचे अनेक दुष्परिणामही समोर आले आहेत. अलीकडेच तेलंगणमध्ये भेसळयुक्त मेयोनीज खाल्ल्याने 100 हून अधिकजणांची प्रकृती बिघडली. तर एका महिलेचा मृत्यू झाल्याचं समोर आलं आहे. या घटनेनंतर तेलंगण सरकारने कच्च्या अंड्यापासून बनवलेल्या मेयोनीजवर बंदी घातली आहे.

मिळालेल्या माहितीनुसार, लोक आजारी पडल्यानंतर तेलंगण सरकारने याबाबत तपासणी केली. त्यामध्ये असे आढळून आले की, जे लोक आजारी पडले आहेत त्यापैकी अनेकांनी रस्त्यावरील अन्न खाल्ले आहे. हे अन्न विषारी होते. प्रशासनाकडून तपास करताना कच्च्या अंड्यापासून बनवलेल्या मेयोनीजचा वापर स्ट्रीट फूडमध्ये केल्याचे समोर आले. त्यामुळे ते विषारी झाले. अशावेळी डॉक्टरांचे म्हणणे आहे की, मेयोनीज लगेच तयार करून खाल्ल्यास ते ठिक असते. पण ते बराच वेळ ठेवले तर त्यात रासायनिक क्रिया होते आणि बॅक्टेरियामुळे अन्न दूषित होण्याची शक्यता असते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.