Navi Mumbai News – गॅस सिलेंडरचा स्फोट होऊन एकाच कुटुंबातील तिघांचा मृत्यू

नवी मुंबईतील उलवेमध्ये असलेल्या जावळे गावात गॅस सिलेंडरचा स्फोट होऊन आई आणि तिच्या दोन मुलांचा मृत्यू झाला आहे. एकीकडे दिवाळीचा उत्साह देशभरात पहायला मिळत आहे. मात्र, जावळे गावात घडलेल्या घटनेमुळे सर्वत्र हळहळ व्यक्त केली जात आहे.

मिळालेल्या माहितीनुसार, घरातील 5 किलोच्या दोन सिलेंडरचा भयंकर स्फोट झाल्याने ही ह्रदयद्रावक घटना घडली. या भयंकर स्फोटात दोघांचा जागीच मृत्यू झाला, तर एकाचा रुग्णालयात घेऊन जात असताना मृत्यू झाला. मृतांमध्ये आई, 15 वर्षांची मुलगी आणि 8 वर्षांच्या मुलाचा समावेश आहे. घटनेची माहिती मिळताच अग्निशमन दलाच्या गाड्या घटनास्थळी दाखल झाल्या, काही वेळाने आगीवर नियंत्रण मिळवण्यात अग्निशमन दलाला यश आले. कुटुंबातील एक व्यक्ती गंभीर जखमी असून त्याच्यावर खाजगी रुग्णालयात उपचार सुरू आहेत. स्फोटाचे कारण अद्याप समजू शकलेले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.